LEGAZPI CITY – Siyam na mga positibong kaso nin COVID-19 an naidugang naman sa listahan sa probinsya kan Albay.
Susog ini sa datos kan Department of Health (DOH) Bicol sa laog sana nin sarong semana.
Basado sa record kan ahensya, apat an nairehistro sa Legazpi City, sinundan kan Tabaco City na may duwa, asin tigsaro sa mga banwaan kan Guinobatan asin Malilipot.
Kun ikukumpara sa nakalihis na semana, mas hababa ngunyan huli ta 19 an nairehistro kan uminagi.
Liwat na nagpapagiromdom an ahensya orog na ngunyang yuletide season, likayan an mga matatawong lugar huli ta naglalangkaw na naman an mga kaso kan COVID-19.
Enkaso man na may sintomas, tulos magpakonsulta sa doktor nganing maasisteran.