LEGAZPI CITY – Muli na namang nakapagtala ng panibagong kaso ng COVID-19 ang lalawigan ng Albay ayon sa Department of Health (DOH) Bicol.
Sa datos nito, walo ang kabuuang bilang ng mga naitalang kaso, kung saan tatlo ang naitala sa Legazpi City, habang pawang tig-iisa sa Daraga, Libon, Malilipot, Tabaco City at Tiwi.
Wala namang naiulat na bagong paggaling o pagkasawi dahil sa nasabing sakit.
Patuloy pa rin na paalala ng DOH Bicol na palaging sundin ang mga ipinatutupad na health protocols at magpabakuna upang maiwasan na ang pagkalat ng nasabing sakit.