LEGAZPI CITY – Kinumpirmar kan Albay Provincial Social Welfare and Development Office (PSWDO) na mas dakol ngunyan na mga mag-aragom na 50 taon nang nag-iibahan an natawanan nin cash incentives kumpara sa mga nakalihis na taon.
Katakod pa man giraray ini sa ordinansang “May Forever sa Albay” kun sain nasa pantulong taon na ining pigpapautob sa probinsya puon pa kan 2021.
Sa intrevista kan Brigada News FM Legazpi kay PSWDO Officer-in-Charge Ma. Vivien Cea, sinabi niya na nasa 459 an kabilugang numero nin couples an natawanan nin “love forever incentive”.
Segun kay Cea, mas dakol na mga mag-agom an natawanan ngunyan na taon kun ikukumpara sa mga nakalihis na taon.
Kan 2021, nasa labi sanang 200, kan nakalihis na taon, nasa 300, alagad ngunyan na taon suminakat ini sa labi 400.
Durudiretso na su boot ini kaya makakasyertong taon-taon an mga mag-aragom, makakaresibe man.
Segun pa kay Cea, tapos naman sinda sa budget preparation asin aprubado naman an pondong gagamiton para sa masunod na taon.