NAKAABOT na sa labaw sa City Social Welfare and Development Office kon CSWD ang impormasyon gikan sa pangulo sa mga senior citizen sa Barangay Calumpang nga adunay mga senior nga ginasugal ang ilang nadawat nga social pension.
Sa bahin ni Rebeca Magante sumala niini nga ang mahinungdanon lang nga subling mapahinumdoman ang mga pensioners kung unsa ang tumong sa gihatag nga social pension sa katigulangan.
Mapahibalo sa wala pa nakahibalo kung nganong adunay pension aron nga magamit sa tama ang salapi nga ilang madawat.
Gidugang ni Magante nga tingob ang gihatag milabay nga semana kay usa ka tuig kini nga sumada sa social pension nga anaa sa P6,000 pesos sa tag P500 pesos matag bulan sulod sa usa ka tuig.
Panawagan ni Magante sa mga pensioners nga gamiton sa husto ang nadawat nga salapi alang sa pagkaun o kaha sa ilang mga tambal kon adunay balatian.
Kahibaluan nga nagpagawas og pahimangno si Welly Ramos sa mga sakop niini sa Calumpang nga iyang ipadakop ang kinsa man nga senior nga masakpan nya nga magsugal gamit ang social pension. ( Ever Diazon)