Wala kalusot sa mga sakop sa Buhangin Police Station ang usa ka lalaki atol sa gikasang drug buy-bust operation, pasado alas 2:00 sa kadlawun, Abril 10, 2024 sa Cabantian road, Buhangin District ning syudad.
Giila sa kapulisan ang dinakpan nga si alyas Amad, street level individual.
Nasikop matod pa ang suspek human kini napalitan og usa (1) ka pakete sa gituohang shabu sa pulis nga nagpakaarun ingnung mamalitay og iligal nga droga.
Atol sa operasyon, nakuha sa nahisgutan ang kinatibuk-ang kantidad sa shabu nga mubalor sa Php23,520.00.
Balhog na karon sa Buhangin Police Station ang maong dinakpan ug gi-andam na ang tukmang kaso kalabotan sa iligal nga droga batok kaniya.