Nakaangkon og physical injuries ang 9 anyos nga pasyente sa ambulansiya human nga nakabangga niini ang pick up sa intersection sa Lim St ug Magsaysay St, Brgy. Zone 1, Digos City, Sabado sa hapon.
Nahitabo ang bangga alas 5:10 sa hapon niadtong Sabado diin nalambigit niini mao angambulance nga naka-rehistro sa Susan Te Sunga nga taga- Quezon Ave., Digos City ug gimaneho ni Andrian Sosmeña Martinez, 38, ug resident sa Prk 6 San Agustin, Digos City ug ang Toyota Hilux pick-up nga gimaneho ni Edwin Diamante Labarcon, 58, nga taga-Lopez Jaina St, Digos City.
Sa inisyal nga imbestigasyon, gisubay sa ambulansiya ang Lim St gikan sa Digos makar road ug padulong sa Davao del Sur Provincial Hospital, Digos City, Samtang ang pick up padulong sa Aurora St. ug naggikan sa Lapu-Lapu St.
Pag-abot diin nahitabo ang disgrasya, ang walang bahin sa pick up nabanggan sa ambulansiya, hinungdan sa physical injuries sa pasyente sa ambulansiya nga si alyas Mark, 9 ug ang pasahero nga si Angelique Reyes, 34, nga taga-San Miguel, Digos City ug gipangdala sa Davao del Sur Provincial Hospital.
Padayon nga giimbestigahan sa kapulisan ang nahitabong bangga samtang temporaryong gikuha sa kapulisan ang or/cr ug drivers license sa duha ka mga drivers.