Ginpanindugan ni Em Ang, Executive Director sang Emergency Operation Center Task Force, mayara sang ‘concurrence’ kag ‘conformity’ sang National kag Regional AITF ang ginpapanaug nga Executive Order ni Bacolod City Mayor Evelio ‘Bing’ Leonardia nagligad nga Nobyembre 14, 2021 nga nagakakas sang S-PaSS sa mga requirement sa mga fully vaccinated travellers pasulod sa syudad sang Bacolod.
Ini kasunod sang pahayag ni Negros Occidental provincial administrator Atty. Rayfrando Diaz ll nga nagakwestyon sang pagsulundan sang Bacolod angot sa S-PaSS requirement.
Suno kay Ang, ang lihok ni Diaz nakapakita sang pagkawala respeto sa EO nga gin-issue sang alkalde matapos gin-downgrade sang National IATF ang COVID-19 alert status sini halin alert 4 papanaug sa alert level 2.
“‘Diaz’s move is a clear disrespect of Executive Order 53 issued by Mayor Evelio Leonardia last Nov. 14 after the National Inter-Agency Task Force downgraded Bacolod’s alert status from Alert Level 4 to Alert Level 2 since COVID cases in the LGU had been on a steady decline”
Paathag ni Ang, ang EO 53 nga ginpapanaug sang alkalde nakabase sa guidelines sa idalum sang Alert Level System for COVID-19 Response sa mga pilot areas sa pungsod nga gin-issue sang National IATF sadtong Oktobre 13, 2021, kon sa diin dugang ni Ang, wala nalakip sa pagsulundan ang ‘S-PaSS requirement’ sa ‘interzonal kag intrazonal travel’.
“Our EO 53 would not have been concurred by Regional IATF chief and Regional Director Jovian Ingeniero if it were not in conformity with the NIATF policy”.
Dugang sang anay City Administrator, ginatrato ni Diaz ang Bacolod, nga syudad sang probinsya nga yara idalum sang iya ‘political jurisdiction”.
“he treats us like we are a component city of the province and well within his political jurisdiction.” pahayag ni Ang.