Nagbisita sa probinsya sang Capiz si anay Senador Kiko Pangilinan kag nangin guest speaker sa ika-pito nga anibersaryo sang Ahon sa Hirap AGAP Capiz Branch, isa ka microfinance Non-Government Organization (NGO) nga nagabulig sa mga mangunguma.
Nahibaluan nga ang nasambit nga NGO ang may yara sang 2,900 ka mga miyembro nga mangunguma sang mais, root crops, tubo kag palay.
Ginbida man diri ni Pangilinan ang Sagip Saka Act, ang layi nga nagatugot nga magbakal sang direkta sa Local Government Units kag National Government Agencies gikan sa mga mangunguma nga wala na nagaagi sa public bidding.
Nagkortesiya man ini sa talatapan ni Governor Fredenil Castro sa gobyerno probinsyal kag nakigkita man ini sa kay Roxas City Mayor Ronnie Dadivas, Vice Governor James Mitang Magbanua, 1st District Congresman Tawi Billones agud makig-istorya.
Sa interview sang Brigada News FM Roxas City kay anay Senador Pangilinan, iya ginpahayag nga isa sa mga rason kun ngaman nagpadulong siya sa Capiz bangud may yara ini sang Food, Farming ang Family vlog kag suno diri “happy place” gid niya ang merkado. | Judy Ann Juare