Milihok na ang grupo nga supak sa mandatory vaccination ubos sa plano nga pagtukod sa center for disease control and prevention sa Pilipinas alang sa pagpadayag sa ilang yangongo kalabot niini.
Sumala ni Alliance for Equality Religious and Freedom Adviser Bishop Bing Gadian nga naglaom sila nga dunay tubag sa gihimo nila nga position papers diin pipila nasab ka mga magbabalaod ang ilang na-atubang.
Una niini nga gibarugan nga maayo ang programa ug nakasabot sila sa tumong sa pagtukod og CDC sa Pilipinas, apan supak sila nga mahimong mandatoryo ang pagpabakuna nga supak sa kagawasan ug katungod sa usa ka indibidwal.
Dili sab nila gusto ang universal nga paagi tungod mas hugot ang ilang pagtuo nga epektibo ang individual health care.
Kahibaloan nga gisertipikahan ni Pres. Ferdinand Marcos Jr. isip urgent ang Senate Bill 1869 nga nagtugot sa pagmugna og center for disease control and prevention sa nasod. -END-