LEGAZPI CITY – Nagkaigwa nin kasulo sa Purok 4, Dalipay, Brgy. Bascaran, banwaan kan Daraga, Albay, alas 7:20 nin pagkaaga kasuudma.
Susog sa report kan mga otoridad, nakaresibe sinda nin impormasyon dapit sa su boot insidente nin kasulo sa sarong apartment sa nasambit na barangay na pig-aarkila kan sarong lalaking taga San Roque, Daraga, Albay.
Huli kaini, tulos nakipagkoordinar an Daraga MPS sa BFP Daraga.
Nagluluwas sa inisyal na imbestigasyon na sarong unit nin Motorstar Explorer 200cc na pagrugaring kan biktima an ginikanan kan kasulo.
Bandang alas 7:55 nin aga naman ideneklarar na fire out asin dai pa maaraman kun pira an kantidad kan nagin danyos.
Sa ngunyan, padagos pa an imbestigasyon kan mga otoridad mapadapit sa insidente.