Apat ka mangingisda halin sa Nabas nga ginasugid nga missing, padayun nga ginausoy

NABAS, AKLAN — Nakikipagbueoligan ro Nabas MDRRM Office sa Philippine Coast Guard Caticlan sa pagpatigayun it Search and Rescue para sa ginasugid nga missing nga mga mangingisda it Barangay Buenasuerte ag Alimbo Baybay sa banwa it Nabas.

Ro ap-at nga mangingisda it Alimbo Baybay suno sa pamilya, hay nangisda bandang alas 3 it kaaganhun kaina sa pihak it alert status it Tropical Storm.

Daywa sa andang mga kaibahan hay salbar nga nakauli samtang ro ap-at matapos ro unang ginpatigayun nga search and rescue hay owa nakit-an.  

Suno sa PCG ag ku andang mga tawuhan nga mabaskog ro baeod sa dagat nga nagpalisud sa andang search and rescue.

Kaangot man sa daywa ka missing halin sa Buenasuerte, ginkumpirma nga nakita ro mga raya sa Barangay Janila, Pandan, Antique. / ANN DESLENE SALAZAR