LEGAZPI CITY – Nagpuon nang magbutak nin rain gauges an Albay Public Safety and Emergency Management Office (APSEMO) sa manlain-lain na parte sa palibot kan Bulkan Mayon.
Segun sa opisina, trabaho kan ekipahe na ma-monitor an rainfall na nagbabagsak sa probinsya.
Kun magigirumduman, Nobyembre 2024, sinabi kan APSEMO na pighahalat na sana ninda an ekipahe nganing maibugtak na sa palibot kan bulkan.
Nagkakantidad su boot ki nasa labi PHP300,000 an saro kaini kaya siyertong dakulang katabangan sa probinsya an ekipahe orog na sa lahar events.
Ibubugtak an mga ini sa Guinobatan na kayang ma-monitor an rainfall sa mga kataraid na LGU siring kan Ligao City asin Camalig, kaibahan naman pati an siyudad kan Legazpi na masasakop an Daraga asin Sto. Domingo, pati naman sa Tabaco City kun sain kayang ma-monitor an rainfall sa Malinao asin Malilipot.