LEGAZPI CITY – Naglalaom an Albay Public Safety and Emergency Management Office (APSEMO) na matatapos na sa masunod na semana an rehabilitation plan na may kinaaraman sa Mayon response and recovery sa probinsya.
Ini an matutok sa damages and losses partikularmente sa sektor kan agrikultura, salud, paharong asin imprastraktura.
Segun kay APSEMO head Dr. Cedric Daep, pighahalat na sana su buot ninda an ibang detalye nganing maisumiter kan ibang mga maninigong departamento sa capitol.
Sa oras na makompleto an plano asin maaprobahan kan gobernador, tulos ining isusumiter sa gobyerno-nasyonal asin sa ibang posibleng donors para sa local asin foreign funding.
An mga ini, preparasyon kan gobyerno sa posibleng donors forum para sa mas dakulang tiyansa na matabangan an probinsya makalihis an haros tulong bulan na pag-alburoto kan Bulkang Mayon.