Asawa, gili-og pagtigbas sa mister

Isa ka asawa ang gili-og pagtigbas sa mister diha sa Purok – 9B, Brgy. Del Pilar, Cabadbaran City pasado alas – 9:45 kagahapon sa buntag.

Ang biktima nailang si Haney Borres Baliguat, 32 anyos samtang ang responsableng kapuyo nga mister mao si Vercil Larayos Comahig, 31 anyos, parehong walay trabaho ug nagpuyo sa maong lugar.

Sa imbestigasyon sa Cabadbaran City Police Station, hag-as lamang matod pa gipusil sa suspetsado ang biktima, apan swerte nga wala kini nibuto.

Daling nikuha ang responsableng mister og sundang ug subleng gi-atake ang asawa pinaagi sa pagtigbas tumong sa li-og resulta sa pagkasamad lakip ang dunggan sa biktima.

Una niini, nag-away matod pa ang duha tungod sa walay income ug nangayo matod pa og kwarta ang suspetsado sa asawa aron ipamasahe ngadto sa Bukidnon hinungdan nga namaylo na lamang usab ang biktima sa igsoon aron dunay ika-plete ang mister.

Gipangutana pa sa biktima ang mister unsay tuyo ngadto sa Bukidnon, apan wala kini nitubag ug milakaw lamang diretso.

Nakurat na lamang ang biktima dihang kalit nga nibalik ang suspetsado ug buot na siyang patyon.

Kasamtangan, padayong nagpaayo ang biktima sa Cabadbaran District Hospital samtang ang responsableng mister, anaa nan aka-kustodiya sa Cabadbaran City Police Station.

📷 Cabadbaran City PNP

Leave a Reply

Your email address will not be published. Required fields are marked *