GIPASAKAAN na og kaso sa mga reklamante ang asawa nga gialegar nga nangataki sa iyang bana ug sa kuyog nga diser og gulay.
Sa kumpermasyon ni Police Captain Ari Noel Cardos nipadayon sa pagpasaka og kaso ang reklamante nga si Alyas Merlinda ug ang lalaki nga si alyas Nolan batok kay alyas Jenalyn,mao nga ilang giduso sa korte pinaagi sa inquest ang kaso nga frustrated parricide ug frustrated homicide.
Sa pagkakaron nagahulat nalang ang Bula PNP sa mamahimo nga resolution gikan sa korte sa ilang gisang-at nga impormasyon,kay plano usab sa asawa nga si Jenalyn nga mopasaka usab og kaso batok sa iyang bana gumikan sumala pa sa pakyas nga pagsuporta sa anak ug sa asawa.
Kahibaluan nga una na nga nagreklamo ang diser nga sumala pa, giataki sila samtang nagasakay sa usa ka sakyanan,naigo ug bato ang iyang tuo nga mata samtang nadunggaban ang driver sa sakyanan. I Ver Diazon