Ginpabaskug makarun it Municipal Agricultural Services Division ro disease field surveillance and investigation sa posibleng kaso it African Swine Fever (ASF) sa mga barangay sa banwa it Kalibo.
Ro ASF hay unang na-detect sa Barangay Caano ku May 19, 2023.
Ro mga sample it dugo nga ginbuoe halin sa mga baboy sa Sitio Tugbungan sa Barangay Pook hay kumpirmadong positibo sa ASF ku rayang dominggo.
Ro ASF hay nagtuga it pagkalugi sa ekonomiya ag pagnaba it industriya it baboy sa Kalibo.
Sa makarun, ap-at nga barangay sa Kalibo ro hugot nga gina-monitor sa posibleng kaso it ASF.
Ro blood samples hay ginsumite eon sa Department of Agriculture-Regional Animal Disease Diagnosis Laboratory 6 sa Iloilo City para sa ASF testing.
Ro regular ASF surveillance ag disinfection hay ginapatigayun agud malikawan ro pag eapta it ASF. // ANN DESLENE SALAZAR