LEGAZPI CITY – Sa Mayon Volcano bulletin na iniluwas kan Philippine Institute of Volcanology and Seismology (PHIVOLCS) kasuudma, tinawan-doon na posibleng mangyari an mga ash fall events partikularmente sa may sur na parte kan bulkan.
Basado sa impormasyon kan PHIVOLCS, durante ini sa presenteng wind pattern.
Huli kaini, pinapaabisuhan kan PHIVOLCS an mga otoridad kan civil aviation na dai pagparanihon an mga piloto sa tuktok o bunganga kan Mayon ta peligroso an mga abo hale sa biglang pagputok.
Apwera man kaini, durante man ta nasa alert level 3 status man giraray an bulkan, mas maray su boot kun wara ki nakaistar sa may 6 kilometers permanent danger zone huli ta peligroso an mga posibleng uson, lava flows, rock falls asin iba pa.
Pig-aabisuhan man kan PHIVOLCS an gabos na mas magbantay kontra sa mga uson, lahar asin sediment-laden streamflows sa mga salog o gullies kan Mayon.
Segun pa sa PHIVOLCS, an mga makukusog na pag-uran kaya, pwedesir mag-trigger sa mga ini na madara ki darakulang peligro sa mga nakaistar duman.