Ati-atihan eamang ro solomente nga Philippine festival nga nakasueod sa “22 of the Best and Most Visited Carnivals and Festivals Around the World” base sa Tripplo.
Gintukod ni Alex Hernborg ku 2014, ro tripplo.com, sangka online platform nga ginapanag-iyahan it Swedish company nga Rank High AB, nga nagatao it diskwento ag deals halin sa nagkasari-sari nga kompanya nga naka-pokus sa pag-offer it diskwento sa mga negosyo it travel industry.
Tinutuyo it mga artikulo nga naka-publish sa Tripplo hay para ipaabot ro mga manami nga atraksyon sa mga kilaeang lugar sa kalibutan ag para magtao man it tips ag impormasyon kung siin nga lugar makatipid ag mapadasig ro pagbiyahe o travel.
Ag sambilog sa listahan it Tripplo ro “Ati-atihan Festival” sa Kalibo, Aklan nga kilaea bilang Philippine Mardi Gras ag Mother of All Philippine Festivals. // ANN DESLENE SALAZAR