Nakatakdang lumaban ang isang atleta mula sa bayan ng San Jose Batangas sa gaganaping Association of Southeast Asian Nations o ASEAN University Game 2024 sa Surabaya Indonesia ngayong darating na Hunyo.
Siya ay si David Paul Matibag, 21 anyos, nag-aaral bilang varsity-scholar ng San Beda University Manila at nasa ikatlong taon sa kanyang kursong Bachelor of Sports Science Management .
Una rito ay nakasungkit siya ng gintong medalya sa track and field event sa katatapos lamang na Philippine National Game.
Nag-uwi rin siya ng bronze medal sa katatapos lamang na NCAA.
Ayon kay David, nagsimula siya sa track and field noong siya’y Grade 4 pa lamang.
Sumunod aniya siya sa yapak ng kanyang kuya na isa ring mahusay na mananakbo.
Pamilya at ang kanyang nobya raw ang nagsisilbing inspirasyon sa bawat laban niyang sinasalihan.
Samantala, lubos naman ang kanyang pasasalamat sa lahat ng mga taong sumusuporta sa kanya at nagtitiwala.