NAGSUGOD na sa iyang trabaho sa Public Safety Office ang kanhi City Administrator nga si Atty. Jose Mariano Gonzalez epektibo Hunyo 1, 2023 adlaw nga Miyerkules.
Alas otso sa buntag gilayong nisulod na sa opisina si Gonzalez unya nagpaila-ila sa mga sakop sa PSO,unya naghatag kini ug impormasyon kabahin sa iyang pag trabaho sa Local Government Unit sa Gneneral Santos City.
Gipahibalo niini sa mga wala pa nakaila kaniya nga istrikto kini pag abot sa trabaho,ug gusto niini ang hinlio nga opisna.
Human sa opisina ang 163 ka membro sa Traffic Enforcers na usab ang iyang giatubang sa Oval Stage,human ug paila iyang gipahimangnoan ang mga enforcers sa mga dili niini gusto,apan kadtong maayo sa trabaho may higayon nga maregular sa LGU.
Sa bahin sa labaw sa Human Resource Management and Development Office nga si Atty. Rosendo Roque gisulti niini nga pasado si Gonzalez sa Merit ang Promotions Board gumikan usab sa iyang credentials ug mga kasinatian,wala na usab prohibition ang petsa sa pagtuboy kaniya.
Gidugang ni Atty. Roque nga sila nagalaum usab nga mapatuman ni Gonzalez ang disiplina subay sa balaud gumikan istrikto kini pag abot sa trabaho. I Ver Diazon