Mariing kinondena ni Senador Robin Padilla ang ginawang umano’y pambabastos ni Australian Senator Janet Rice kay Pangulong Bongbong Marcos.
Ito ay matapos nitong magprotesta habang hawak ang karatulang may nakasulat na “stop the human right abuses” sa gitna ng talumpati ni PBBM sa Australian Parliament.
Kaugnay nito, naghain si Padilla ng Senate Resolution No. 944 na naglalayong hinggin sa Department of Foreign Affairs (DFA) na ideklarang persona non grata si Rice.
Ito ay dahil sa di umano’y ‘unparliamentary behavior’ na ipinakita nito.