Nag-angkon sang kahalitan ang auto kag truck matapos ang natabo nga aksidente sa Brgy. San Fernando, Pilar, Capiz.
Ginkilala ang driver sang truck kay alyas Danny, 51-anyos, residente sang nasambit nga barangay samtang ang driver sang auto amo si alyas Eric, 62-anyos, kag residente naman sang Brgy. Casanayan sa amo man nga banwa.
Sandig sa imbestigasyon sang Pilar Municipal Police Station, nagikan sa syudad sang Roxas si alyas Eric kag nagamaneho ini sang iya auto nga puti, ginapahayag nga natagpilukan ini rason nga naglapaw sa linya sang karsada kag aksidente nga bumunggo sa naka-park nga truck nga may karga nga tubo.
Bangud sini nawasak ang bumper sang duha ka salakyan kag maswerte naman nga wala sang may napilasan sa nasambit nga aksidente. | Judy Ann Juare