Babae, patay nang paghahampasin ng tubo sa Tiaong, Quezon

Patay ang isang babae matapos umano itong paghahampasin gamit ang isang bakal na tubo sa Sitio Hilirang Buli, Barangay Lagalag, Tiaong, Quezon nitong Sabado, Pebrero 25.

Kinilala ang biktima na si Joana Marie Aguilar Pavino, nasa hustong gulang, habang ang suspek naman ay si Michael Perez Atienza, 33-anyos, pawang mga residente ng naturang lugar.

Batay sa ulat ng pulisya, narinig umano ng mga kapitbahay na nagkaroon ng mainit na alitan sa pagitan ng dalawa.

Kung saan, sa gitna nito ay kumuha ng bakal na tubo si Palivino na nasa pader ng kanilang bahay subalit inagaw ito ni Atienza.

Doon na pinaghahampas ni Atienza ang biktima sa ulo at iba’t-ibang bahagi ng katawan nito na nagresulta sa agaran nitong pagpanaw.

Kasalukuyan na ngayong tinutugis ang naturang suspek na nahaharap sa kasong Homicide.