LEGAZPI CITY – Arestado an sarong babaye sa Brgy. Magurang, banwaan kan Polangui huli sa nagkapirang mga kaso.
An 48 anyos na akusado, residente kan nasambit na barangay.
Sa report kan mga otoridad, inarestar an akusado kan Sabado sa pangengenot kan Polangui MPS, kaibahan an Albay PIU asin 1st PMFC sa kusog kan mga mandahamiento de aresto para sa kasong estafa na may piyansang PHP30,000.
Kaibahan man digdi an 11 punto nin kasong pagbalgar sa Batasang Pambansa No. 22 o an Bouncing Checks Law na may kabilugang piyansang PHP408,000.
Nasa kustodiya na kan Polangui MPS an akusado para sa magkakanigong disposisyon.