MIDANGOP sa buhatan sa trafiic enforcement unit kon TEU ang usa ka babaye nga pasahero human kini gibastos sa usa ka tricycle driver sa National Highway, Barangay City Heights, GenSan nakalabay nga adlaw. Matud sa wala gipanganlang babaye nipara siya og tricycle padulong sa downtown area ug nangutana kini kung pilay pamasahe nitubag matud pa ang driver nga 20 pesos, niingon sab ang pasahero nga aduna nay taripa sa GenSan rason nga wala kini miuyon sa nasabotan nga pamasahe. Nikalit matud pa og pangisog ang drayber ug wala niini gidawat ang pamasahe nga gihatag sa pasahero.
Rason nga nisakay na lang sa uban nga tricycle ang maong babaye. Gani, human sa insidente gilayon nga giadtuan sa kapulisan ang lugar ug gipangita ang wala mailhing driver apan wala kini mipatim-aw.
Sumala ni PMajor Oliver Pauya, kinahanglan madisiplina ang susama niini aron dili matud pa pamarisan sa uban.
Sa karon padayon pa nila nga ginapangita ang isog nga driver nga nasuko sa iyahang pasahero. I Enamie Mogpon