Nag agto sa Brigada News FM Kalibo si Erna Castro ng Brgy. Bacan, Banga para klaruhon ro isyu nga ginapabangud segun kana.
Sa interview kay Castro, ginapabangdan segun imaw ni Brgy. Kapitan Allen Robelo it Bacan, Banga nga nagatago it kriminal.
Bangud segun sa natabo ku Martes hay indi eon imaw makapag pokus sa anang pangabuhian, indi imaw makatueog ag makakaun bangud sa mabug-at nga pasibangud kana ni Kapitan Robelo.
Ku 2017 pa segun nag umpisa ro andang conflict ni Robelo ag halin kato hay indi eon segun magtawhay ro anang kabuhi dahil haeos tanan nga nagakatabo sa barangay hay imaw ro napabangdan.
Suno pa kay Castro, owa imaw it ibang tinutuyo sa pagpa-interview sa Brigada kundi nga klaruhon ro anang pangaean nga bukon it matuod nga nagatago imaw it kriminal ag gusto eang nana nga magkaayos eon sanda ni Kapitan Robelo. // ANN DESLENE SALAZAR