Nag angkon it nina sa kilay ro sangka babaye matapos rayang baywon it sangka eaeaki nga anang ginasukot.
Ro biktima hay sangka 47yo ag taga Laguinbanua West, Numancia samtang ro suspek hay sangka 32yo nga taga Brgy. Bulwang, Numancia, Aklan.
Sa report, nagkita ro daywa sa bueangan rasun nga ginsukot it biktima ro suspek sa utang kara nga P1,000.
Nagsabat segun ro suspek nga owa it pambayad ag gulpi eang nga binayo sa itsura ro biktima.
Insigida man nga nagreport sa pulis ro biktima pero owa eon naabtan ro suspek sa area. / ANN DESLENE SALAZAR