Nagreklamo sa Kalibo MPS ro sangka 52yo nga babaye nga taga Brgy. Dingle, Banga, Aklan matapos takawon ro anang sling bag.
Sa report ku biktima, samtang naga display imaw it anang mga baligyang itlog sa Kalibo Public Market, nagsueod sa anang tindahan ro anang regular customer nga babaye ag ginbuoe ro anang basket.
Dikara ag nadiskubre nana nga naduea ro anang sling bag nga may sueod nga P20,000 cash, bracelet nga nagabalor it P8,000, kulintas nga P8,000, mga ID ag cellphone.
Sa makarun hay padayun pang ginatumod kung sin o ro nagbuoe it bag ku biktima. // ANN DESLENE SALAZAR