Illegal drugs, wanted persons, ag loose firearms – raya ro presente nga ginatutukan it bag-ong assigned nga direktor it Iloilo Police Provincial Office (IPPO).
Base kay Police Colonel Adrian Acollador, padayon nana nga itaw-an it atensiyon raya.
Kasunod dikara, ginmandu nana ro mga hepe it pulisya nga paga-istudyuhan ro listahan it mga drug personality ag pugante sa andang mga lugar ag maghiwat it mga operasyon kuntra sa anda.
Para sa mga drug suspect, magahiwat ro mga otridad it mga buy-bust operation para matapna ro illegal nga droga.
Samtang ro mga wanted person hay paga-serbehan it warrant of arrest.
Ginasaalang-alang man it IPPO director ro posibilidad nga pagasuportahan it mga drug trafficker ro mga pulitiko nga magamit nanda bilang mga protektor.
Angot sa problema sa insurgency, ginpaandaman ni Acollador ro pulisya nga pirme maging alerto, kapin pa sa mga banwa nga may nareport nga may presensya it New People’s Army.
Ginhambae ni IPPO director nga sambilog pa nga tutukan nana ro pagpahaom sa seguridad para sa halalan.
Ginbaylohan ni Police Colonel Adrian Acollador si Police Colonel Gilbert Gorero kasunod sa reshuffling sa pagpahaom sa May 2022 elections./JIL B. LACSON