MALUNGON, SARANGANI- GIDAYEG sa mga opisyal sa gobyerno sa South-Central Mindanao Region ang gipahigayun nga pagbukas sa bag-ong natukod nga BALAY SILANGAN nga dumalahon sa lokal nga gobyerno sa Malungon ug sa Philippine Drug Enforcement Agency (PDEA-12), ingon man ang gihimong graduation rites sa mga kanhing indibidewal nga nalulong sa bawal nga druga nga gilusad ning mga nakalabay’ng adlaw.
Matud ni Malungon Mayor, Atty. Tessa Constantino, ang katukoran sa dormitory-type building sa BALAY SILANGAN mibalor kini’g P9.8 milyon ka pesos nga gipundohan sa Department of the Interior and Local Government (DILG), ug si Senador Manny Pacquiao usab ang ga-donar sa yuta nga gitukoran niini sa Brgy. Poblalcio, Malungon.
Kini, isip matud pa hulip sa kanhing Balay Silagan Reformatory Center nga mapalgan sa Brgy. Nagpan, human nga mi-expired na niadtong Nobyembre 2020 ang Deed of Usufruct niini tali sa LGU Malungon ug sa tag-iya sa Villareal Resort.
Ang maong kalihukan gidugangan usab sa pormal nga gradwasyon sa 29 ka mga kanhi drug dependents nga nakumpleto ang ilang 5 ka bulan nga siklo sa pagpaayo ug nakadawat sa igong TESSA-assisted skills (NC2) training nga pagbansay samtang nagpatambal sa naasoy nga rehabilitation center, sa wala pa ang outbreak sa Coronavirus pandemic nga mitumaw niadtong Marso 2020.
Gikabutyag pa, nga ang tanan nga batch two (2) ug tulo (3) nga nagtapos sa Balay Silangan, nga adunay 70 ka kliyente nga nagtapos sa repormatoryo, nahuman na ang ilang rehabilitasyon gikan pa sa miaging tuig, apan wala makapamartsa pormal tungod sa kataas sa COVID-19 ug ang istrikto nga pagpatuman sa mga protokol nga gisugo sa IATF.
Sa iyang mensahe, gikanayon usab ni PDEA-12 Regional Director Naravy Duquitan nga kini nga programa, ga-angkla sa hugut nga kampanya sa ahensya kontra sa droga kontra sa paggamit ug pagpamaligya sa iligal nga droga.
Samtang, gidayeg ni Daquitan ang LGU-Malungon sa wala’y hunong nga suporta sa ubang ahensya nga naa sa linya sa gobyerno, alang sa dili lamang pagbaton sa “labing nagamit nga” Balay Silangan sa nasud, apan alang usab sa adunay 100 porsyento nga mga barangay nga wala’y druga sa Sarangani, ug nakahupot sa lainlaing mga espesyal nga pasidungog.
Si DILG Region 12 Director Josephine Cabrido-Leysa, CESO III, nagpahayag usab sa usa ka makapadasig nga mensahe ug nagbahin sa mga makahalipay nga detalye bahin sa bag-ohay nga naaprubahan nga DDB nga P5 milyon nga badyet agig suporta sa paningkamot sa LGU nga mapaayo ang bag-ong gitukod nga pasilidad.
Kalakip nga mihatag sa ilang padasig nga mensahe sila Sarangani Gobernador Steve Chiongbian Solon, Hukom sa Regional Trial Court, Oscar P. Noel; Ang deputy director for operations sa Sarangani PNP nga si PLTCOL Joedy Lito Guisinga, Bise Mayor Mariano Escalada Jr., ug mga honorabling meyembro sa 14th Sanggunian Bayan. (Municipal Information Office/ ippalma)