Nagtuo ang labaw sa Davao City Health Office ug opisyal sa COVID-19 Task Force nga aduna nay bag-ong variant sa COVID-19 ang anaa karon sa Davao City, kini tungod sa paspas nga trasmission sa kagaw.
Sumala kang CHO Acting Head Dr. Ashley Lopez, bisan wala pay kumpirmasyon gikan sa Philippine Genome Center sa presensya sa B.1.1.7 UK ug B.1.351 South African variant sa syudad apan kung tan-awon ang datus matag adlaw, paspas ra kini kung itandi sa miaging mga bulan.
Hinoon sa pagkakaron nga wala pay kumpirmasyon gikan sa PGC, zero pa sa bag-ong variant ang syudad busa padayon ang pagpadala og specimens gikan sa confirmed positive patients ngadto sa PGC alang sa genomic sequencing.
Sa pikas bahin, luyo sa giaptumang travel restrictions lakip ang intensified border control ug mandatory nga pagopangayo og negative reverse transcription polymerase chain reaction (RT-PCR) results sa Davao International Airport), aminado ang opisyal nga dili kapugngan ang pagsulod sa mga indibidwal nga dunay dalang bag-ong strain sa kagaw.
Pipila niini ang mga OFW ug returning residents nga nanguli sa syudad niadtong panahon nga nga nakasinati og surge ang NCR ug Cebu.
Busa panawagan niini sa publiko nga sundon ang mga balaud, regulasyon ug ang minimum pubilc health standard aron maprotektahan ang kaugalingon nga matakdan gikan sa maong kagaw.BNFM-DAVAO
