GINAPAHIBALO sa bag-ong labaw sa Civil Security Unit sa City hall sa General Santos City nga adunay mga ginabawal sa pagsulod sa mga opisina sa Local Government Unit alang sa pagpahugot sa seguridad.
Sa paghinabi sa Brigada Gensan kay Retired Major Jing Salarda gipahibalo niini nga ginabawal ang pagbilin og mga bagahe sa City hall ug sa ubang mga opisina, ikaduha ginabawal ang pagpasulod sa mga naga deliver sa mga order online, ang nga order mao ang mogawas sa building unya sa gawas ang pagbayad.
Gidugang ni Salarda nga kabahin lang kini sa pagpalig-on sa seguridad sa government installation gumikan sa mga panghitabo sa palibot nga angay masabtan sa katawhan.
Gidugang ni Salarda nga aduna siyay pending nga sugyot nga dungagan ang personahe sa CSU apan sa karon ginapangitaan pa og pondo.
Kahibaluan nga ang kasamtangan nga ihap sa mga membro sa CSU anaa sa 130 unya anaa sa 30 ang regular samtang ang ideal sumala pa nga ihap anaa sa 240 ka personahe mao nga dili na maka fullout sa ubang post unya ibutang sa palengke.
Kahibaluan nga adunay hangyo ang mga negosyante nga nabalaka sa peace and order situation nga dungagan ang visibility sa mga gwardya sa palengke. I Ver Diazon