LEGAZPI CITY – Nai-turnover na an bagong classroom sa Burgos Elementary School, Brgy. Burgos, Daraga, Albay makalihis an pirang taong pagklase kan nagkapirang mga estudyante sa covered court kan nasambit na eskwelahan.
Pinangenotan ini kan lokal na gobyernp kan banwaan, kasabay an ribbon cutting ceremony kaibahan an Public Schools District Supervisor kan Daraga South District na si Alberto Serano, School Principal Estralla Luna, Kapitan Henry Mallapre, mga paratukdo asin mga magurang.
Apwera digdi, igwa paman ki mga nagpapadagos na proyekto an lokal na gobyerno para sa pagpapakarahay kan edukasyon siring kan turnover man kan bagong classroom sa Canarom Elementary School, asin an padagos na konstruksyon kan two-story na classrooms sa Daraga North Central School pati naman an pag-irahay sa classroom sa Maopi Elementary School.
Katakod kan mga ini, hagad kan lokal na gobyerno an suporta kan lambang mga Daragueño.