Isang sunog ang sumiklab kaninang umaga sa Brgy. San Antonino, Burgos, Isabela kung saan tinupok ng apoy ang isang bahay.
Sa panayam ng Brigada News Team kay Lenlen Gallarde, nakasaksi sa insidente, bandang alas-11:50 aniya nang makita niyang may nasusunog.
Nagtulong-tulong din ang mga residente upang maapula ang sunog habang hinihintay ang pag-responde ng mga bumbero.
Kaugnay nito, maging ang traysikel at kuliglig na naka-park sa bahay ay natupok din ng apoy.
Sa ngayon ay hindi pa nalalaman kung magkano ang kabuuang halaga ng nasunog, maging ang sanhi nito.