BALAY SILANGAN, GINLUNSYAR SA BANWA SANG PANITAN

Ginlunsyar kag gin-inagurahan sa banwa sang Panitan ang balay silangan reformation center nga gintambungan sang pila ka mga dinapit nga bisita nagikan sa PDEA Region 6 kag Capiz, DILG Capiz, kapulisan sang Capiz PPO kag Panitan MPS, TESDA Capiz kag Bureau of Fire Protection sa nasambit nga banwa.

Madinalag-on nga ginhiwat ang amo nga programa sa pagpanguna ni Vice Mayor Audie Andvincula kaupod ang mga Sangguniang Bayan Members, Punong Barangays, kag Department Heads sang talatapan sang gobyerno lokal.

Kabahin sang aktibidad ang pagpirma sang memorandum of agreement sa tunga sang mga nagkalain-lain nga partnership kag pila ka mga opisyales sang gobyerno.

Ang pagtukod sang ‘Balay Silangan’ tinutuyo nga maangkon sang banwa ang ila target nga ‘Drugf Cleared’ status sa bulig kag suporta sang magkatuhay nga ahensya.//KMD Gicalde