Balay ug sagingan gilampornas sa kusog nga hangin

Gilampornas sa kusog nga hangin ang usa ka balay sa Baracayo, Daliaon Plantation, Toril Sabado sa gabie.

Kini human nakasinati og grabeng kakusog sa hangin ang pipila ka bahin sa syudad ubang bahin sa rehiyon onse tungod sa pagsanib pwersa sa bagyong Maring ug Nando nga padayon karong mihatag og mga pag-ulan sa lapad nga bahin sa nasud.

Gawas sa balay nga naguba sa Baracayo, daghang mga punuan sa saging usab ang nangatumba ug dili na mapuslan pa samtang nalukat usab ang usa ka dakong punuan sa kahoy nga swerteng wala mideretso sa usa ka balay.

Hinoon walay natala nga nasamdan sa maong insedente. BNFM-Davao