LEGAZPI CITY – Pighihidali nang matapos an pagkondusir nin balidasyon kan mga pamilyang posibleng maapektaran en kaso magkaigwa nin lahar durante kan makusog na uran o maraot na panahon sa probinsya kan Albay.
An nasmbit na balidasyon pinangenotan kan Albay Public Safety and Emergency Management Office (APSEMO), kun sain pigtututukan partikularmente an mga lugar na nasa palibot kan Bulkang Mayon.
Napag-araman na uminabot na sa kwarenta-y-otso milyones na tonelada na nin volcanic debris an pigluluwas hale kan bulkan segun sa PHIVOLCS puon pa kan mag-alburuto ini kan bulan kan Hunyo.
Enot naman na nagpagirumdom an APSEMO sa posibleng pagragasa kan lahar sa mga lugar sa palibot kan bulkan kun sain pwedesir subuot na rinibong pamilya an maaapektaran kaini.