BALIK eskwela na ang mga kabataan sa Baluan National High School human sa pagsuspenso sa klase gumikan sa 6.8 Magnitude nga linog milabay nga Nobyembre 17 sa kasamtangan nga tuig.
Sumala sa ilang principal nga si Gemma Cimeni iyang gituyok ang mga classrooms aron makita ang kabataan unya masayran kon pila ang nisulod sa klase.
Subay sa attendance, 93 porsyento sa 889 ka mga kabataan ang nisulod sa klase apan giuna ang psychosocial activity sa matag room.
Gisarado usab ang usa ka classroom nga adunay mga liki sa salug, anaa kini sa ikaduha nga andana sa Grade-8 nga room kung asa adunay 42 ka mga estudyante.
Gumikan niini sa Laboratory Room ang gihimong temporaryo nga classroom sa kabataan. I Ver Diazon