Nagapadayun ro ginahimo nga follow up investigation it Banga MPS ag review it mga cctv para ma identify ro suspek nga ginakonsidera nga motor riding suspects sa pagbaril-patay sa biktimang si Marte Dalida, 38yo ag residente ng Brgy. Venturanza, Banga, Aklan.
Natabo ro insidente ku Nobyembre 1, 2023 it udtro adlaw sa may Brgy. Libas, Banga, Aklan.
Sa interview it BRIGADA NEWS FM KALIBO kay Police Captain Benny Jones Mendoza, Chief of Police it Banga MPS, may mga ginatan-aw eon sanda nga posibleng suspek pero indi pa mapangaeanan bangud premature pa.
Pero may mga anggulo segun sanda nga ginabasehan nga maka link sa mga suspek.
Matandaan nga ro biktimang si Marte Dalida hay sambilog sa ginaturo nga person of interests sa hacking incident ku Oktubre 7, 2023 sa Brgy. Calizo, Balete kung siin, ginkulong pa si Dalida pero bangud sa reglementary period hay ginpahilway raya.
Matapos segun ro insidente hay nagpa-conduct eagi si Police Captain Mendoza it dragnet operation ag nagtawag sa kada banwa partikular ro mga pwede nga ubrahong exit it mga suspek.
Ginpasiguro man it nasambit nga hepe nga tanan ro mga posibilidad nga maka angot sa pagpatay sa biktima hay andang pagasayuron para masolbar ro kaso. // ANN DESLENE SALAZAR