GINAREKLAMO sa mga vendors sa isdaan sa Gensan Public Market ang buslot kung asa daghan na ang na bulasot ug nabasa sa tubig kanal.
Sumala kay Ma Ayunin usa ka vendor nga naay bata ug naay edaran na nga nabulasot gani upat ang nabiktima sa milabay nga adlaw ug nabilin ang tsinelas sa bangag.
Sumala usab kay Richard Pandamon nga ilaha nalang gibutangan ug kahoy unya may plastic aron makabantay ang moagi ug dili ma bulasot sa taman tuhod nga bangag.
Gitubag sa Market Supervisor ang reklamo, sumala ni Carlito Esclamado nga tinuod nga adunay buslot ug ilaha na nga gisulayan sa pagtabon pinaagi sa bakal apan gikawat ang bakal mao nga walay taklob ang Manhole.
Sa karon nag request na daw sila og escavator aron mahinloan ang bangag apan dili daw available, nagsaad si Esclamado nga ilang solusyunan ang problema. I Ver Diazon