KALIBO,AKLAN—Naka angkon it lastro sa kaeawasan ru driver ag back rider it motorsiklo matapos banggaan tricycle sa karsadahon it Brgy. Linabuan Norte,Kalibo,Aklan.
Sa report, nakilaea ru mga biktima nga sanday Steve Nama, 20 anyos driver it motorsiklo ag residente it Brgy. Oyang, Libacao, Aklan ag back-rider nga si Mesi Soriano, 20 anyos nga taga-Afga, Tangalan, Aklan.
Samtang, gina maneho ru tricycle ni Frank Quadrante, 41 anyos, residente it Brgy. Linabuan Note, Kalibo,Aklan.
Paadto it Banga ru tricycle nga gina maneho ni Quadrante ag pa Kalibo mat-a ru motorsiklo kat sumemplang sa karsadahon.
Eagi man nga gin respondeihan it MDRMO Kalibo ru aksidente ag gin daea sa hospital ru mga biktima.
Nasayuran nga hilong ru driver it tricycle.
Nakateana ru settlement sa kada panig sa Kalibo MPS. //MARIVIC Y. ILIN