Naklamar na sang pamilya ang bangkay nga nasapwan sa higad sang uyapad sa Brgy. Conciencia, Panitan, Capiz takna alas 11:30 kahapon sang udto, Lunes, Pebrero 26.
Ginkilala ang biktima kay Ragne Fernandez Sison, 51-anyos kag residente sang Pob. Ilawod, Lambunao, Iloilo.
Nahibaluan nga nagpakig-angot ang Panitan PNP sa Lambunao PNP agud pahibaluon ang himata sang biktima.
Matandaan, nasapwan ang biktima nga nagahuray-ad sa may kanal kag natukiban nga may yara ini sang 12 ka pilas tuga sang pagpangbuno. | Judy Ann Juare