Linabo patay ru biktima nga sangka 53 anyos nga eaeaki matapos patuson it nag pang-ayat nga suspek sa Brgy Afga, Tangalan, Aklan.
Nakilaea ru biktima nga si Joel Corpus samtang , gina turo nga suspek hay si Bobby Lorenzo, 62 anyos, tanan mga residente it nasambit nga lugar.
Natabo ru insidente samtang naga ihapon ru biktima sa andang panimaeay ag ayaton it suspek.
Gin guwa man it biktima ru suspek ag eagi na karang linabo sa tiyan dahilan it gulpihan nga pagkamatay.
Gin daea pa sa hospital ru biktima apang namatay samtang gina bueong.
Sa makaron, kulong ru suspek sa Tangalan MPS ag maga pangatubang it naga kaigonga kaso.
Nasayuran nga ru motibo it krimen hay bangud eamang sa pag tapas it tanum nga saging it suspek rason nga gin ayat ru biktima.//MARIVIC Y. ILN