CAMARINES NORTE – Nagpaalala ang Commission on Elections hinggil sa listahan ng mga valid ID na maaaring ipresenta ng mga magpaparehistro sa voter registration na magsisimula sa Lunes, Pebrero 12.
Ayon kay Election Officer III Annelyn Abanes, kasama na ngayon sa listahan ng mga ID na maaaring iprisenta sa Office of the Election Officer ay ang Barangay Clearance na may litrato.
Kabilang sa listahan ng mga ID na maaaring gamitin sa pagpaparehistro ay ang mga sumusunod; PhilSys National ID card, Postal ID card,PWD ID Card, student’s ID card o library card na pirmado ng school authority; Senior citizen’s ID card, LTO driver’s license/student permit, NBI clearance, Philippine passport, SSS/GSIS ID o UMID card,Integrated Bar of the Philippines o IBP card, Professional Regulatory Commission (PRC) License, Certificate of Confirmation na inisyu ng National Commission on Indigenous Peoples (NCIP) para sa mga miyembro ng IP community, o kahit anong government-issued valid IDs.
Hindi naman tatanggapin ng Comelec ang community tax certificate o cedula, Police clearance, at employee ID.
Lahat ng transaksyon ay tatanggapin ng Comelec na kinabibilangan ng registration, transfer, transfer with reactivation, reactivation, change of status at correction of entry. Ang mga maaaring magparehistro ay ang 1`8 anyos na sa araw ng national and local elections, residente ng Pilipinas ng kahit man lang isang taon sa lugar kung saan nais na bomoto o anim na buwan bago ang halalan.
