LEGAZPI CITY – Takot pa man giraray an namamatean kan mga residente sa Brgy. Homapon, syudad nin Legazpi makalihis an insidente nin pambabadil sa tulong katawo sa nasambit na barangay kan nakalihis na Biyernes.
Segun kay Kapitan Fidel Butin, hasta sa ngunyan blangko pa sinda sa pagkakabisto sa mga suspek dawa na igwa sindang CCTV camera nin huli ta nakasulot ki kalo an mga armadong suspek.
Sinabi ni Butin, dai ninda aram kun ano an motibo kan mga suspek huli ta hale pa sana sa pagre-referee sa basketball an duwang biktima na sinda Noel Maravilla asin Francis Alejo, mantang an saro pang bikitma nadamay man sana.
Segun man sa ina ni Alejo, hasta sa ngunyan dae ninda aram an motibo sa pambabadil sa saiyang aki nin huli ta wara man ining kaiwal saindang barangay.