Barato nga presyo sa kalabasa ginapanghinaot nga masolusyonan

MAKALULUOY na ang mga mangunguma nga nagatanum og kalabasa tungod kay nangalata nalang sa area kung asa sila nagatanum.

Kini ang nahimong pamahayag sa mag-uuma nga si Brendaly Gempisaw dungan sa pagkanayon  nga naningkamot nalang sila nga madala sa Gensan gikan sa Miasong sa Tupi ang produkto nga kalabasa.

Segon pa niini nga maayo nalang sila nga may sakyanan tungod kay madala pa nila ang ilang kalabasa og asa nila gustong ibaligya bisan sa pagkabarato sa presyo.

Apan ang kadtong walay makargahan ang pwerting luoya kay nalat-an gyud sila sa ilang produkto

giangkon pa ni Gempisaw nga P2 ang matag kilo sa punoan ug P5 pag-abot sa bagsakan maong gipugos nalang nila og biyahe aron nga mapuslan ang ilang ani nga dili sama sa uban nilang mga kaubanan nga nalat-an.

Samtang si Ronaldo Pacon nga usa sa nagabaligya sa bagsakan, giangkon niini nga magduha ka semanang hinay ang palit sa kalabasa sa ilang pwesto tungod sa pagkabarato ug kadaghan niini.

nanghinaot nalang ang nahisgotan nga unta masolusyunan ang maong problema tungod kay naluoy usab kini sa mga mangunguma nga halos pangayuon nalang ang presyo. I Danny Casi