GIKAGUBTAN sa pipila ka mga indibidwal nga lumalabay sa Pioneer Avenue ning dakbayan ang abandonadong karton nga gibilin atubangan sa usa ka bangko pasado alas 7 sa buntag Mayo 31.
Gi report matud pa kini ngadto sa mga sakop sa Pendatun Police Station ug gitawag ang presensya sa Explosives Ordnance Division.
Gisigurado ang dalan nga gisakopan sa maong bagahe aron isigurong dili makontamina og mabutang sa alaot ang kinabuhi sa pipila. Gibutyag ni PMaj. Westley Matillano, hepe sa Pendatun Police Station nga human ang susi sa sulod sa maong karton nasayran nga mga basura ug botelya lamang ang sulod niini.
Gumikan niini subling nagpahimangno ang kapulisan sa publiko nga kung makakita og mga kadudahang bagahe angay nga dili hilbtan inay mutawag og presensya sa mga otoridad ug likayan ang pag post sa social media kung wala pa’y kumpirmasyon gikan sa mga hingtungdan. I MJ Fernandez