Arestado ng mga awtoridad ang 38 anyos na si Julie Fuentes Nuñez Sr. sa Purok Masagana, Barangay Irawan, Puerto Princesa City kaninang alas sais ng umaga (6:00am), June 18, 2023.
Sa ulat ng Criminal Investigation and Detection Group o CIDG Palawan, dinakip ito sa bisa ng search warrant na pirmado ni Judge Jocelyn Sundiang Dilig, Executive Judge ng Palawan.
Nakumpiska mula sa suspek ang 1 unit caliber 45 pistol, 2 pirasong magazine, 10 pirasong live ammunition, 4 na pirasong bala ng 9mm, 4 na basyo na bala ng caliber 45 at isang bag.
Samantala si Nuñez ay nasa kustudiya na ng CIDG para sa kaukulang dokumentasyon.