BOLUNTARYO nga misurender sa kapulisan ang usa ka batan-on nga gitudlong mipatay sa mag-uuma nakalabay nga tuig sa Guadalupe, Barangay Conel, GenSan.
Mitahan si Jamestrank Helvis Maguan, 23-anyos sa sakop sa Tinagacan Police Station human sa negosasyon tali sa pulis ug pamilya niini.
Giangkon ni Maguan nga gihimo niya ang krimen apan sa korte na lang nilang niya atubangon sa maong kaso. Nagdumili kini sa paghatag og dugang detalye kalabut sa gikalambigitan kaso human mitahan. Butyag ni Police Capt. Marlon Ramirez, hepe sa presinto si Maguan ang gikonsidera nilang most wanted person police station level.
Dugang ni Ramirez, misurender atong Enero 5 si Maguan dungan sa pagpatuman sa warrant of arrest sa kasong sa 11th Judicial Region, Regional Trial Court, Branch 58 sa siyudad. Samtang, walay girekomenda nga pyansa ang korte alang sa temporaryong kagawasan sa dinakpan.
Si Maguan ang gitudlong migolgol sa liog sa usa ka mag-uuma nakalabay nga tuig human sa init nga komprontasyon dungan sa gikaengong pagpaningil sa namatay sa dinakpan nga nangawat kini og manok. I Richel Gubalani