Batas para mapababa ang height limit sa PNP at iba pang uniformed personnel, pirmado na ng Pangulo

Pinirmahan ni Pangulong Rodrigo Duterte ang Republic Act (RA) 11549 na nagbababa sa height requirement ng mga aplikante sa Philippine National Police, Bureau of Fire Protection, Bureau of Jail Management and Penology at Bureau of Corrections.

Sa nasabing batas ay bababa ang height requirement ng male applicants sa 1.57 meters mula sa 1.62 meters.

Para naman sa mga babaeng aplikante ay bababaan ang height requirement mula 1.57 meters papuntang 1.52 meters.

Otomatiko naman maipagkakaloob sa mga aplikante na manggagaling sa cultural communities at indigenous people ang waiver sa height requirement.

Base rin sa naturang batas ay hindi dapat mas bata sa 21-years old o mas matanda sa 30-years old ang mga aplikante sa BuCor.

Sa loob ng 90 araw matapos maging epektibo ng RA 11549 ay kinakailangan ng Department of the Interior and Local Government (DILG) at ng Department of Justice (DOJ) na i-promulate ang mga patakaran at regulasyon para sa implementasyon ng bagong batas.

Leave a Reply

Your email address will not be published. Required fields are marked *